الحقيقة أنا حزين حزين حزين ..
امبارح فتحت الإيميل بتاعي لقيت رسايل كتير
للأسف كل الناس بيقولوا اني مش أنا اللي باكتب في المدونة بتاعتي
وناس كتير بيقولوا أن ماما أو بابا هما اللي بكتبوا لي
ومفيش حد مصدق اني أنا فعلا اللي باكتب في المدونة
وعموما أنا جبت الصورة اللي هتكذب كل الحاجات اللي بتتقال عني
ومش هتخللي أي حد يشك إني أنا اللي باكتب في المدونة دي
بافتح الإيميل
بامارس هوايتي في التدوين
5 comments:
ياغتي عالقمر.. :))) كدة انت قطعت الشك باليقين يا حسونة إنت عارف الزمن المهبب إللي احنا فيه الناس أما بتصدق تمسك في شخضية مهمة زيك و هاتك يا لت و عجن و إشاعات... بس قوللي هو انت صحيح بتقفل الموبايل و انت قاعد بتكتب في المدونة عشان الإزعاج و تقفل الباب عليك و ماتدخلش حد إلا لو كان معاه الببرونة فبيبقى أهلاً و سهلاً بيه طبعاً.. دة غير إنك بتتلكك و تعمل نفسك قاعد بتكتب في المدونة عشان ماتقومش تستحمى... دة كلام أنا سمعته بس يا سنسن أوعا تزعل مني انت عارف كلام الناس و الجرايد و البرامج... :p
فعلا..الصورة تغني عن الف كلمة يا حسن باشا..
بس تعمل ايه في الحقد اللي عند النفوس الضعيفه؟
هم اصلا لو شافوا الصورة و شافوا انت ازاى متنح للكمبيوتر هيعرفوا مدي إنهماكك في التدوين و قد ايه انت بتتعب عشان قراء
بصراحه يا ابو على انا شاكك فى الصور دى..وحاسس انك بتشتغلنا..والصور دى اكيد متركبه ...وحضرتك واخد صورة ولد امريكى او بريطانى..ومركب عليها وشك..عيب يابو على ..ده احنا نفهمها وهى طايره
وشغل الفهلوه بتاع المصريين ده مش حيدخل علينا
ياعم انا عارف ان انتا عبقري في الكمبيوتر
سيبك منهم وايه يعني حتى لو مش انت اللي كاتبه او اللي عامله بس كل الحاجات ده عليك انت واحنا حبينك انت يا سونة
أنوش
Post a Comment