النهاردة وانا مأنتخ في سريري بعد الرضعة
وبافكر في حكاية الاستحمام وفي الرضعة الجاية
فوجئت بماما بتعلي التليفزيون وبتقولي بصوت عالي : يا حسونة فيلم أبو علي جه
أنا طبعا – بيني وبين نفسي – قلت فيلمي ؟!هو أنا عملت فيلم باسمي وانا مش عارف ؟!
وسألت نفسي بعد كدة : هو يعني أيه فيلم أصلا ؟!
المهم لقيت ماما منسجمة مع الفيلم ومركزة معاه جامد
فقعدت أنا أتفرج يمكن اتسلى شوية
ولقيتها فرصة علشان أشغل دماغي بحاجة تانية غير التفكير في الرضعةاللي هتاكل دماغي
والحقيقة اني لقيت الفيلم حلو أوي وممتع جدا
ومن شدة اعجابي بالفيلم تخيلت اني باشارك فيه
وتخيلت نفسي أبو علي اللي في الفيلم
وان الفيلم معمول أصلا عشاني
والصورة دي ظهرت لي في الحلم اللي حلمته بعد ما تخيلت نفسي أبو علي
أنا في النص أهو
7 comments:
gameeeel ya abu 3ly
negm men yomak
khalto lamia
abu 3aly..enta negm
w elblog de a7san blog fe el3alam!
ده انت نجم النجوم يا حسن يا قمر
الا انت قمر اوي كدة لمين
دي مامتك سكر وابوك عسل وانت بقا عسل على قطشة على محل حلويات
ربنا يحميك يا قمر
واشوفك عريس كدة ومامتك تطلع القطط الفطسة بالعروسة منا عارفاها
مساء الفل ياسحس
مش عارف ليه شامم ريحة غرور فى كلامك ..
تلاقيك مغيرتش البامبرز
بس انت نجم ياأبوعلى ومنور البوستر ،خلى بالك كريم ممكن يغيير منك ...نجوم زى بعض بقى ..
أونكل م فوزى
حسونة حبيب قلب سوزي... معلش اتأخرت عليك المرادي يا قمر بس كنت بحضرلك رد فني من اللي قلبك يحبهم يا باشا.. طبعا سيادتك أخدت بالك من التماحيك اللي في فيلم أبو علي.. بس الجديد بئا يا أستاذ إن المغنية اللي اسمها روزي هي كمان عاملالك أغنية و انت و لا دريان و عامل مش واخد بالك و مركز في الببرونة اللي ماما بتحضرهالك.. :)
دي يابني قايلاك بالإسم "حسن ابو علي" تحب اكمل؟؟ حسن ابو علي دة زيه مافيش في الشر مالوش للخير بيعيش.. - كانت المفروض تقول للببرونة بيعيش.. :D- عموما أهو بردو الست ماغلطتش أوي و الأغنية لذيذة.. أنا لو مكانك دلوقتي هاحط رجل على رجل و انا حاضنة الببرونة و المفروض كمان تكبر على جونسون دة و تستحمى بشاور جل و تضرب شعرك جل و تلبس سلسلة فيها حرف الإتش و تي شيرت على جينز.. انت عندك مقومات النجم بس مش قادر توظف نفسك و انا اللي هساعدك عشان تعمل نيو لوك اتكل على الله ثم عليا في الموضوع دة يا سنسن..
انشاء الله هتعمل فيلم هيكسر الدنيا
والله احسن من 100 كريم عبد العزيز وليك مستقبل باهر
بس انت حيرتني انت صحفي زي ماما وبابا ولا ممثل خليك فحاجة واحدة لانك تعبتنا
اوووووووووووووووووووووووووووووووووف
من بنت خالتو: مي
Post a Comment