كل شوية أسمع بابا وماما بيقولوا عايزين نصيف ..
مش فاهم يعني أيه نصيف دي
بس وانا مركز معاهم – وهما مش واخدين بالهم – باسمعهم بيقولوا :
الجو بقى حر ، عايزين نخفف لحسن
لأ لاحسن يجيله برد نستنى شوية
وأنا مش فاهم أي حاجة
لغاية ما بابا صورني صورة وأنا نايم
وكنت بأشر مية ( ماما قالت أن ده اسمه عرق )
اتفجأت بموضوع العرق ده ومعرفتش ازاي وشي يطلع مية كدة
اللي أعرفه إني باشوف المية لما باعمل بي بي بس
إزاي وشي يطلع مية كدة
مش فاهم يا ناس
المهم إني لما شفت المية في وشي وأنا نايم عرفت إني لازم أصيف
مش فاهم يعني أيه نصيف دي
بس وانا مركز معاهم – وهما مش واخدين بالهم – باسمعهم بيقولوا :
الجو بقى حر ، عايزين نخفف لحسن
لأ لاحسن يجيله برد نستنى شوية
وأنا مش فاهم أي حاجة
لغاية ما بابا صورني صورة وأنا نايم
وكنت بأشر مية ( ماما قالت أن ده اسمه عرق )
اتفجأت بموضوع العرق ده ومعرفتش ازاي وشي يطلع مية كدة
اللي أعرفه إني باشوف المية لما باعمل بي بي بس
إزاي وشي يطلع مية كدة
مش فاهم يا ناس
المهم إني لما شفت المية في وشي وأنا نايم عرفت إني لازم أصيف
العرق بيشر من وشي يا ناس
أرحميني يا ماما .. شيلي البطانية
12 comments:
المعلم الكبير حسن أبو علي
طبعا يشرفني أكون أول واحد يعلق عند حضرتك
وعاوز أقولك إنك أكبر مدون أنا علقت عنده لحد دلوقت
وبالنسبالة لموضوع عاوزين نصيف ده أنا ممكن أشرحهولك بساطة خالص
في حاجة اسمها شتا وده لما تكون الدنيا ساقعة كده ومتلجة وحاسس انك مأنتخ ومش عاوز تقوم من السرير ومقضيها بيبي في ديل بيبي لحد ما خليت البامبرز بتاعك عامل زي قطعة إسفنج مرمية في المحيط الأطلنطي من سنة 7 قبل الميلاد
والشتا ده انت عارفه كويس
في حاجة تانية اسمها صيف
الصيف ده يا زعيم حاجة خنيقة قوي حر وعرق وتلزيق ورطوبة كما هو موضح بالصورة بتاعت حضرتك
وده بقى ما يناسبوش غير انك تقلع بلبوص بالنهار وتقضيها مرواح ومجي في الشقة طرزان كده
بس خلي بالك اوعى أي بنت تشوفك لحسن عيب
آه عيب جدا
وبالليل بقى تروح مدي ميسد كول للحته بتاعتك وهي تكلمك ، تتفقوا على ميعاد وتنزلزا تتمشوا على الكورنيش، ممكن تركبوا مركب، أو تعزمها على انتين بيبسي كانز ، يعني حسب حالتك المادية وقتها
ولو كانت الأمور المادية ماشية تمام ممكن تضحك هي على أبوها وتفهمه ان في رحلة تبع الحضانة طالعة شرم الشيخ لمدة أسبوع
وتاخدها حضرتك وعلى هناك على طول
ومش هوصيك يازعيم
عيش وادعيلي
ونبي يا سونة لو هتروحوا اسكندرية قول لماما و بابا ياخدوني معاكم عشان بقالي ردح من الزمان عايزة اروحها:)
ايوه يا ابو علي..انت لازم تصيف
و مش كده بس..انت لازم تشتري مايوه
و تروح اي حتة لوحدك و تعيش طيش الشباب اللي من سنك و تبقي متعدد العلاقات النسائية و محطم قلوب العذاري..هي دي اصول التصييف..لازم تبقي شاب مقطع بطاقتك من قبل ما تطلعها اصلا
اتمنى لك صيف سعيد
ربنا يخليك يا ابو علي ويطول في عمرك وتبقي احسن واحد في الدنيا اخوك الكبير عمرو مدونة بيت الرياضة
اية يا عم ابو علي يعني ملكش في الكورة ولا اية
يا عم صيف وخلاصنا
تعالى صيّف معايا في العريش يا حسونة بدال ما بكتئب لوحدي و بعدين إنت مش عارف تفرفص و توقع البطنية يعني عاجبك حالك و انت مأنتخ كدة و عرقان و حالتك حالة ياعيني؟؟؟
واضح ان حيحصل غزو قريب لاسكندرية بقيادة الناصر حسن أبو على
عموما ياأبو على اسكندرية حتنور وحتشوف فيها نوع تالت من الميه غير العرق والبى بى ... حتشوف أكبر بانيو شفته فى حياتك
عمو: ايهاب التركى
السيد الاستاذ الدكتور اللواء / حسن ابو على
لااعرف هل تابعت كلمة السيد ابو الغيط فى مؤتمر المصالحة ام لا على كل الاحوال لقد سجلت لسيادتكم كلمة السيد ابو الغيط لاننى اعلم انكم تتابعون بكل اهتمام الملف العراقى
اخوك
قصدى جدك
محمد حلمى هلال
bos ya abo 3ly 3ashan te3raf tesayf lazem el nadara el oakley wi el mayooh el meshmeshi wi ezazet el heineken
wi bos ya ebny seabak men el seayasa
seayaset eah fi el 7ar dah
balbat wi enbesat wi lem el banat 7awalek
wi rabena ye7'alek le omak wi abok
يا حبيبي يا سونة روح صيف فاي مكان يعجبك وان كان مفيش اماكن عجباك هنا فمصر شاور باصغر صباع عندك وتلاقي كل شركات الطيران حجزالك فاحلى مكان فالعالم وهو فيه احسن منك يا سونة
من بنت خالتواللي بتموت فيك :مي
Post a Comment