Jan 23, 2010

تلات سنين

عيد ميلادي التالت..
المرة دي احتفلت بعيد ميلادي في حضانتي الجديدة
اسمها بامبل بي bumble be
عيد ميلادي المرة دي حضره كل الناس اللي باحبهم
هبة المدرسة بتاعتي اللي بتديني ألماني
وجابت لي هدية حلوة أوي
وفراو نادية اللي بتديني في الحضانة
وليديا برضه مدرسة معايا في الحضانة
وأمينة صاحبتي وكريم
وماما جت وجابت لي تورتة
وأديت هدايا لاصحابي في الكلاس
أنا مبسوط إن عندي 3 سنين
كل سنة وأنا طيب


أنا بين هبة وفراو نادية


هبة حبيبتي.. أنا باحبها أوي


أنا بادي هدية لأمينة


هبة وليديا عايزين يرفعوا الكرسي وأنا عليه


هبو وليديا بيرفعوني بالكرسي


أنا مبسوط ونا مرفوع بالكرسي كده


بيغنوا لي أغنية عيد الميلاد بالألماني


أنا وأمينة وكريم بنغني وبنصقف



أنا مبسوط أوي


التورتة عليها صورتي


وعملنا دودة عليها صورتي .. وكلنا لوناها مع بعض


ياللا ناكل التورتة بأة


يا جماعة انا جعان

2 comments:

سبهللة said...

بسم الله ما شاء الله
كل سنة وانت طيب يا شاطر حسن
ربنا يخليك لماما
وتكبر وتبقى راجل ملو هدومك

wasla said...

مساء الفل يا ابو علي
انا ابتسام تعلب بعمل جرنان صغير كدا اسمه وصلة بننشر فيه تدوينات شباب المدونين الكبار اللى زيك
بعت لليلي نفس الدعوة ومستنية موافقة ماما دوعااااء مساء الفل
يا دود
دا نص الدعوة الرسمي


السيد المدون،
تحية طيبة وبعد..
نصدر في القاهرة مطبوعة ورقية بعنوان "وصلة"، تهدف "وصلة" إلى أن تكون حلقة وصل بين المدونين ونشطاء الإنترنت وبين قادة الرأى العام والإعلاميين والجمهور العادى الذي قد لا يمتلك القدرة على متابعة كل ما يجري على الانترنت.
ونحن ندعوك للمشاركة معنا في "وصلة" من خلال السماح لنا باستخدام تدويناتك، وإعادة نشرها في "وصلة".
-برجاء: سرعة الرد.
ابتسام تعلب


الايميل : wasla@anhri.net
موقع وصلة : http://wasla.anhri.net/