أنا عندي مفاجأة جامدة مووووووت
أول مرة في حياتي أترسم
رسامين الكاريكاتير أصحاب بابا وماما رسموني
وخلوني في الرسومات أقول كلام كبير أوي
حد يصدق إني أنا أتكلم في السياسة !!
أنا مبسوط منهم أوي لأنهم خلوني شجاع
وقلت حاجات مهمة أنا صحيح مش فاهم منها ولا حاجة
بس أنا فرحان بنفسي أوي لما أكبر – إنشاء الله – هأقول أكتر من كدة
أنا باشكر كل اللي رسموني
دعاء العدل وهشام رحمة ومخلوف وقنديل وهاني شمس وعبدالله
ويا ريت يرسموني على طول لغاية ما أكبر
يا أبو ضحكة جنان
عايز أبقى زي سعد الصغير
وسع وسع .. حسونة بيتكلم في السياسة
يا واد يا تقيل
يا ابو كف رقيق وصغير
عايز حقي .. رضعة كبيرة
أبجد هوز
أبجد هوز
12 comments:
عايزين يودوك في داهية يا حسونة من أولها.. لو حد سألك عن البلوج دة قول مش بتاعي و ماعرفش حاجة عنه... :D
بس بجد كاريكاتيرات تحفة تسلم إيدين اللي عملوها..
مش أنا اللي بقالي 5 ساعات بحاول أعمل بانر عالفوتو شوب للبلوج و فشلت فشل زريع... :"( بس سيبك انت يا حسونة الحب في القلب مش في الفوتو شوب.. :D
مبروك يا باشا على الصور .. بس خلى بالك من القوانين الجديدة
يا أستاذ حسونة .. هو أنت لازم يعنى تطلع "لمض" زى ماما .. ليه متحولش تفكر شوية تطلع زى بابا ؟ ثم أنت مالك بالسياسة يا ابنى وانت لسه عندك ثلاث شهور أمال لما يبقى عندك ثلاث سنين مثلاً هتعمل أيه ؟ مش بعيد تنظم مظاهرات أو حتى تشكل حركة وفى غفلة من التاريخ توصل للقصر
الجمهورى ... وعجبى
وخدها نصيحة منى واعتبرنى أخوك الصغير حيدر
مساء الفل يا حسونة
انا اول مرة افتح النت و اشوف الموقع بتاعك
طبعا انا بعيد عن الكمبيوتر لان ابويا امي في الكمبيوتر و عنده مرض كدة اسمه كمبيوفوبيا لكن الله يخليها عمتو لميا قالت لي تعالي هافرجك على حسن ابن عمتو دعاء
الحقيقة الدم حن من اول نظرة و اكتشفت حاجة تانية كمان ان الروح الثورية متأصلة في العيلة لان اللي انت عاوز تعمله انا كمان باعمله هنا و عملنا تنظيم انا و العيال بتوع العمارة و بدأنا نشاطنا الجديد بالوأوأة قدام مكتب مدير الحي و ما سكتناش برغم كوردون الامن المركزي اللي ضربوه حوالينا في الاقصر و في النهاية قبلوا انهم يتفاوضوا معانا على المطالب بتاعتنا اللي المفروض ما اقولكش عليها دلوقتي و خليها لما نتلاقي بالوش و خليك تقيل يا ابو علي ما تمشيش ورا كلام امك الهبلة اللي هي عمتي و اتحصن بالمكر و الذكاء و اسمع الكلام دة كويس انا اكبر منك بشهرين يعني اعرف اكتر منك بستين سنة عشان حركتنا ما تتكسرش من اولها و تكبر و عودها ناشف زي نخل الصعيد كدة مش عاوزين نعمل زي العبطا اللي خلفونا يا عم
سلاااااااام
طب حسابنا عند مين دلوقتى يا ست هانم ؟
6 و نص فى خمس رسومات ...
يبقى تمانية جنيه
ازيك يا ابو علي
كل سنة و انت طيب يا سيدي
طبعا مش عارف ليه؟؟
قول لماما و بابا كل سنة و انتوا طيبين بكرة عشان دلوقتي بالظبط لهم سنة مع بعض
طبعا دة قبل ما سيادتك تشرف و انت هتقول طيب انا كنت فين بقى؟؟
اقولك يا سيدي
انت كنت لسة في علم الغيب
و عموما كل سنة و انت معاهم
بس اوعى تنسى بقى تجيب لهم هدية حلوة بكرة
و لا هتستعبط بقى و تقول كفاية انا هدية؟؟؟
جامد أوي الكاريكاتير الجديد يا حسونة... يا مطرب العواصف... :))) بس الأغنية دي بمناسبة عيد الأم و لا إيه؟؟؟ :D
يا خبر يا خبر يا سن سن ايه الكلام الكبير ...ربنا يحميك يا جميل لباباك و ماماتك
فينك .. يا ابو على بقي لك فترة مش بتدون لية
اية أخبارك
يلا يا عم بقي ليك في السياسة كمان اية التطور الجامد دة
قرار ذكي يابو علي
الصحافة ياحبيبي مابتجيبش همها اليومين دول
كمان مش بعيد تكتبلك مقال صغنن ولا خبر مايعجبش الحكومة عشان تلاقي نفسك بعدها في السجن وبتغني ظلموه :)
بس ايه الحلاوة دي واد, انا هخطبك ليافا ;)
كان نفسي تخرج برة مجال الصحافة والسياسة والقرف ده بس اعمل ايه من كتر قعدتك مع بابا و ماما عدوك وتلقيهم قرفينك وانا عارفة ان هما غصبوك عشان تتكلم فالسياسة بس العيلة كلها وراك ماتخفش
من بنت عمتو :مي
Post a Comment