لازم أصيف

كل شوية أسمع بابا وماما بيقولوا عايزين نصيف ..
مش فاهم يعني أيه نصيف دي
بس وانا مركز معاهم – وهما مش واخدين بالهم – باسمعهم بيقولوا :
الجو بقى حر ، عايزين نخفف لحسن
لأ لاحسن يجيله برد نستنى شوية
وأنا مش فاهم أي حاجة
لغاية ما بابا صورني صورة وأنا نايم
وكنت بأشر مية ( ماما قالت أن ده اسمه عرق )
اتفجأت بموضوع العرق ده ومعرفتش ازاي وشي يطلع مية كدة
اللي أعرفه إني باشوف المية لما باعمل بي بي بس
إزاي وشي يطلع مية كدة
مش فاهم يا ناس
المهم إني لما شفت المية في وشي وأنا نايم عرفت إني لازم أصيف

العرق بيشر من وشي يا ناس

أرحميني يا ماما .. شيلي البطانية